Wasiir Bayle : Soomaliya Waxaa Lagu Amaanay Hormarka Dhaqaalaha Dalka

Shirka ka soconaya Magaaladda Washiton ee looga hadalayo Hormarinta dhaqaalaha Soomaaliyaa ayaa waxaa hadalka ka jeediyay Wasiirka Maaliyadda Soomaliya Dr. Cabdiraxmaan Ducaalle Bayle, waxa uu tilmaamay in soomalliya lagu amaanay doorka  muhiim ka ah ee hormarka leh ee xagga dhaqaalaha oo dalka ku talaabsada.

“Madashii shalay ee ku saabsanayd deyn cafiska, bahwadaagteena waxa ay bogaadiyeen dadaalada dib u habaybta dhaqaale ee dowladda Federaalka Soomaaliya. Dib u habaybtu marnaba ma ahan mid sahlan oo fudud, Waxa ay baahan tahay dulqaad, wadahadal, wadashaqayn iyo joogtayn”ayuu yiri Wasiir Bayle, waa innaan sii wadnaa  kana-wada shaqeyno Soomaaliya iyo la-hawlgalayaasha caalamiga ah si aan uga faa’iideysano miraha dadaalkan”ayuu yiri Wasiir Bayle.

Mudane Cabdiraxmaan Ducaale Bayle ayaa sheegay in meel wanaagsan uu maraya barnaamijka deyn cafiska Soomaaliya islamarkaana  ay sii wadi doonaan dib u habaybta oo uu sheegay in uu yahay mid u wanaagsan Soomaaliya.

“Laga soo bilaabo shirkii shalay ee magaalada Washington ee uu hoggaamiyay R/Wasaare Xassan Cali Kheyre, waxaa meel wanaagsan maraya arrimaha deyn cafiska. Waan sii wadi doonaa dib u habaybta sababtoo ah waa mid u wanaagsan Soomaaliya iyo dadkeena soo kabanaya ee u qalma mustaqbalka wanagsan”.ayuu yiri Wasiirka Maaliyadda.

Wasiirka Maaliyadda Xukuukmadda Federaalka Soomaaliya oo hadalkiisa sii wata ayaa yiri “Bahwadaagta calaamiga ah oo dhan waxay diiradda saarayaan waxa ay waddankooda iyo ururadooda ay u qaban doonaan Soomaaliya, Haddii aan nahay Soomaali, waa innaa samaynaa wax kasta si aan dib ugu dhisno Qarankeena, sharafteena iyo mustaqbalkeena. Soomaaliya annagaa iska leh, dalkastana dadkiisa ayaa dhisa”.

Xukuumada Soomaliya ayaa rajo ka qabta inta uusan waqtigooda  dhamaanaa in deymaha laga cafiyo dalka .

Goobjioog Business.

 

LEAVE A REPLY

Please enter your comment!
Please enter your name here